Mobile Phone Ka IMEI Number Kaise Pata Kare in Hindi
Mobile Phone Ka IMEI Number Kaise Pata Kare in Hindi, IMEI number kya hota hai ? isski kya jarurat padti hai in sabhi savalo ke javab aapko aaj is post me milenge . Friends IMEI number ” International Mobile Station Equipment Identity ” ek unique number hota hai to har mobile device ko diya jata hai ya yu kahe ki yah number kisi bhi mobile device ki ek pahchaan hoti hai , kuki ye number sabka alag alag hota hai . IMEI number ko daal kar hi koi bhi company mobile ko sell kar sakti hai .
Par aapke man me ab ye saval aa raha hoga ki IMEI number har mobile device me hota hai par usse hame kya lena dena . To friends me aapko bata du ki IMEI number hamare bhut hi kaam ka hota hai , Or agar hume apne mobile ka IMEI number pata hai to ham usse bahut kuch kar sakte hai , yaha tak ki apne chori huve mobile ka bhi pata laga sakte hai , kher in sab ke bare me hum aage detail me janege . Par sabse pahle jaan le ki IMEI number hota kya hai ?
Mobile Ka IMEI Number Kya Hota Hai
Isse pahle hum apne mobile ka IMEI number pata kare , sabse pahle ye jaan le ki IMEI number hota kya hai ? IMEI number iska full form hai “International Mobile Station Equipment Identity ” . IMEI number har ek mobile me hota hai or Kisi bhi 2 mobile devices ka ek IMEI number nahi hota hai iska ye matlab huva ki IMEI number har mobile ka identifier hota hai .
Agar aapko mobile chori ho jata hai to aap IMEI number ki help se chori huye mobile phone ka pata laga sakte hai ya agar aap police me sikayet karte hai to vaha par bhi IMEI number ki jarurat padti hai . IMEI number se vo mobile ko track kar sakte hai , IMEI number ko block kar sakte hai or aapke mobile ka miss use hone se rook sakte hai . Is liye aapko apne mobile ka IMEI number pata karna bahut hi important ho jata hai .
Par bahut se new mobile users ko IMEI number ke bare me pata nahi hota hai or na hi ye pata hota hai ki iska kya use ho sakta hai or kaha kaam aata hai . chaliye hum bhi thoda jaan lete hai ki IMEI numer ka hum kaha kaha use kar sakte hai .
IMEI Number Ki Kaha Jarurat Padti Hai
- Agar aapka mobile chori ya ghum ho jata hai to usko khojne ke liye IMEI number bahut jaruri hai .
- IMEI number ki help se aap apne mobile ko track kar sakte hai
- Agar aapko apne mobile se sambandhit koi sikhayet police me karni ho to IMEI number ki jarurat padti hai .
- Mobile ke IMEI number se aap mobile ki asliyat ka bhi pata lagva sakte hai .
- Agar aapka mobile kisi glat haat me chala jaye to aap IMEI number ko block krva ke uska miss use hone se bhi bacha sakte hai .
To ye kuch examples the , jaha par aapka IMEI number use hota hai . chaliye ab jante hia ki kisi bhi mobile ka IMEI number kiase pata karte hai ?. Mobile Phone Ka IMEI Number Kaise Pata Kare in Hindi
Mobile Phone Ka IMEI Number Kaise Pata Kare in Hindi
Har ek Mobile device or dusre device jisme sim lagta hai uska IMEI number hota hai , Aapko bhi apne mobile device ka IMEI number check kar ke , usko sahi jageh me likhe lena chahiye . Mobile ka IMEI number pata karna bhut hi aasan hai , niche kuch steps or mobile IMEI number pata karne ke tarike diye huve hai jinka use karke aap badi hi aasani se apne mobile device ka IMEI number pata kar sakte hai chaliye ek ek kar ke sabhi tariko ko jante hai .
USSD Code Se Mobile Ka IMEI Number Kaise Pata Kare
Mobile ka IMEI / MEID number pata karna ka ye sabse accha tarika hai . Is tarike me hame apne mobile me ek USSD Code ko dile karna hai . Ye USSD Code sabhi mobile me kaam karta hai . aapko apne mobile me *#06# ko dial krna hai . niche image me dekhe .
Jyada tar mobiles me *#06# dial karte hi apne aap IMEI number aa jata hai , aapko Call button dabane ki jarurat nahi padti hai . Niche aap image me dekhe jaise hi maine *#06# dial kiya turant apne aap maire mobile ka IMEI number aa gaya .
To friends is tareh se aap bhi ape mobile me ye USSD Code dial kar ke apne mobile ka IMEI / MEID number pata laga sakte hai . chaliye ab dusra tarika jante hai .
Android Mobile Settings Se IEMI Number Pata Kare
Android mobile ki settings me ja kar bhi hum bade aaram se apne mobile ka IMEI number pata laga sakte hai . niche diye gaye kuch aasan se steps ko follow kare .
Step 01 : Sabse pahle aap apne mobile ki Settings me jaye . Mobile Settings me jane ke baad About device me jaye (kisi kisi mobile me keval About hi hota hai) . Niche image me dekhe .
Step 02 : About device me jane ke baad , Uske baad yaha par Status par click kare (niche image me dekhe) . Note : ho sakta hai aapke mobile me yahi par IMEI number ho, kuki different company ke mobile me IMEI number ki location alag ho sakti hai .
Step 03 : Status me jaane ke baad yaha par aapko IMEI number show ho jayega (niche image dekhe). agar aapke mobile me 2 sim lagte honge to aapko 2 IMEI number dikhai denge .
Is tareh se aap Mobile ki Settings me ja kar apne mobile ka IMEI number pata laga sakte hai .
Ye Bhi Padhe or Jane :
Google Account Se IMEI Number Kaise Pata Kare
Google account se bhi aap bade hi aaram se IMEI number pata laga sakte hai . Agar aapke mobile chori ho jata hai ya kho jata hai or aapko mobile ka IMEI number pata lagana hai to aap bina mobile ke google account ka use kar ke apne mobile ka IMEI number jaane sakte hai . Iske liye aapko us google account ki jarurat padegi jo aap apne mobile me use karte the ya pahli baar jis google account ko mobile me link kiya tha us account se aap apne mobile ka IMEi number pata laga sakte hai .
Ye tarika kaafi accha hai agar aapka mobile kho jata hai or aap usko track karna chahte hai ys apne mobile se judi or bhi information ko dekhna chahte hai to aap ye tarika use kar sakte hai . Google account ki help se apne mobile ka IMEI number janne ke liye niche ke steps follow kare .
Step 01 : Sabse aap google dashboard me jaye . Google Dashboard me jaye ke liye apne internet browser me myaccount.google.com/dashboard type kar or Enter button dabaye ya fir yaha par Click Kare : Google Dashboard
Google Dashboard me jane ke baad aap jis google account ko apne mobile me use karte the us Gmail account ka use kar ke yaha par login kare .
Google Dashboard me login karne ke baad aap yaha parkai sari information ko dekhnge . Apne mobile ki information ko janne ka liye aap yaha par Android par click kare , Niche image dekhe .
Android par click karte hi aap apne un mobile phone ki information ko dekh sakte hai jin mobile me aap is google account (Gmail account) ka use karte the . yaha par aap apne mobile ka IMEI number bhi dekh sakte hai or iske sath sath Last activity seen on, Backup date , mobile name jaisi information ko bhi yaha par dekh sakte hai. niche image dekh .
Friends is tareh se aap google dashboard ka use kar ke bade aaram se apne mobile ka IMEI number dekh sakte hai . Agar aapka mobile chori ho gaya hai to aap yaha se apne mobile ka data bhi delete kar sakte hai or secure ho sakte hai .
Mobile chori hone par agar aap police me complain karne jayenge to vaha par mobile ka IMEI number maanga jata hai . Par dyan rahe ki agar chori karne vale ne aapke mobile ka IMEI number change kar diya to problem ho sakti hai .
Ye Bhi Jane :
iPhone Ka IMEI Number Kaise Pata Kare
Agar aap iPhone 5 ya usse latest mobile use kar rahe hai to IMEI number pata karna bahut aasan hai kuki aap apne iPhone ke piche IMEI number ko dekhe sakte hai , aapko bas apne mobie ko palatna hai kuki IMEI number back side me print hota hai .
Agar aapke pass iPhone 4 ya older phone hai to in phone me IMEI number sim card tray par likha hota hai , aap apne iPhone 4 ki sim card tray ko bahar nikale or IMEI/MEID ko dekh sakte hai , aap in number ko note kar ke kahi surakshit rakh le .
Apne Mobile Ka Box,Bill Ya Bar Code Se Mobile IMEI Number Pata Kare
Agar aapka mobile ko jaye ya chori ho jaye to aap mobile box (mobile box par chipke huye bar code) or mobile bill se IMEI number pata kar sakte hai . Jab aap kisi new mobile ko khareidte hai to aapko mobile ka box or bill diya jata hai . agar aapko kabhi bhi apne mobile ka IMEI number pata karna ho to aap apne mobile ka box or mobile bill ko jarur dekhe kuki mobile ka IMEI number mobile ke box or bill par likha hota hai . is tareh se aap apne mobile ke box ya bill ke dekh kar apne mobile ka IMEI number jaan sakte hai .
Agar aap kabhi bhi old mobile (2nd head) mobile kharide to mobile box or bill ko jarur sath me le taaki agar aapka mobile kho jaye ya chori ho jaye to aap apne mobile number ka IMEI ka pata laga sake . Kuki agar aap police ya kahi par bhi mobile khone ki complane karenge to aapse apke mobile ka IMEI number pucha jata hai .
Mobile Battery ya Mobile Cover Se IMEI Number Pata Kare
Dosto kuch mobile ki battery ya fir mobile cover par bhi mobile ka IMEI number likha hota hai is liye agar aapke mobile box ya kai IMEI number nahi milta hai to aap ek baar apne mobile ki battery ko dhire se nikale or niche ki taref check kare ya fir mobile cover ke ander side dekhe . Sayed aapko aapke mobile ka IMEI number yaha likha huva mil jaye .
Apne Mobile ke IMEI number ko kahi sahi jageh par likh kar rakh le kuki IMEI number ki jarurat aapko pad sakti hai . Umeed hai ki ab aap badi aasani se mobile ka IMEI number pata laga sakenge , Agar aapko mobile number chori ya kho jaye to aap IMEI number ki madat se usko khoj sakte hai .
To friends aap ko hamari ye jankari Mobile Phone Ka IMEI Number Kaise Pata Kare kaisi lagi , comment kar ke jarur bataye or agar aapko koi or tarika pata hai jisse IMEI number ka pata lagaya ja sakta hai to comment jarur kare or agar koi IMEI number pata karne me koi problem aa ri hai niche comment kar ke puche .
Agar aapko hamari jankari acchi lagi ho to isko apne friends ke sath share jarur kare jisse aapke friends ko bhi iske bare me pata chal sake or dusro ki bhi IMEI number janne me help ho sake .