Aaj hum janege Website Kya Hai in Hindi ( What is Website in Hindi ) Friends aaj kal har koi internet ka usr karta hai online kuch na kuch information ko search karta rahta hai or kafi sare kaam online karta hai. Par bahut sare log aise bhi hai jinke man me ye saval aata hai ki Website kya hota hai ?  Website kitne prakar ke hote hai , Webpage kya hota hai or isse judi information ko vo janna chahte hai . To Friends aaj me aapko in sab ki puri information dene vala hu or Umid karta hu ki is post ko padhane ke bad aapko iski puri information mil jayegi .

Website Kya Hai in Hindi

Website bahut sare webpages se mil kar banti hai isliye hum kah sakte hai ki bahut sare webpages ke collection ko website kahte hai . Website ek central location ke jaisa hai jaha se aap us website ke pages ko dekh sakte hai . website ka har web page kuch na kuch information ko liye huve hota hai , Jaise hamari website ke ye page jo abhi aap padh rahe hai isme aapko Website kya hota hai iski information mil rahi hai .

Website Kya hai in Hindi, Definition Of Website in Hindi

Website ka use to aap jarur karte hi honge jaise youtube.com pe video dekhte honge , Facebook ko chalate honge ya Online shopping karte honge ye sab websites hai . Hum in website ke domain name ko apne internet browser me daal kar in websites ko visit karte hai . Websites me jane ke bad hum us websites ke pages ki imformation ko dekhte hai , ab aap sochenge ki ye website to thik tha ye web page kaha se aa gaya , Chaliye Web page ke bare me bhi thoda sa jaan lete hai .

Web Page Kya Hota Hai

Web Page kisi bhi website ka single page hota hai . Jaise apbhi aap hamari website ke ek page me hai or is information ko padh rahe hai . Isi tareh hamari website me bahut sare pages hai jinse mil kar hamari website bani hai . Kisi bhi web page me Text, Image, Video, Audio ..etc is type ki information ho sakti hai . Website ke Web page ka ek unique URL hota hai jis par ja kar aap us web page ko dekh sakte hai .

Website me kitne bhi web pages ho sakte hai or ye web page ek dusre se connected rahte hai or website ka nirmaan karte hai .Web Page ke bare me or detail se Janne ke liye aap article padhe : Web Page Kya Hai Definition of Web Page in Hindi 

Website Kitne Prakar Ki Hoti Hai

Jaisa ki maine aapko pahle hi bataya hai ki website bahut sare web pages se mil kar bani hoti hai . Kuch websites static web pages se mil kar bani hoti hai to kuch Dynamic pages se mil kar bani hoti hai , Is liye website 2 tareh ki hoti hai ( behavior ke hisab se dekhe to ).

1. Static Website .
2. Dynamic Website .

Static Website

Static website ko aap simple website bhi bol sakte hai kuki jo website static pages se mil kar bani hoti hai us website ko hum chahe kitni bhi baar visite kare uske page ki information same hi rahegi . User ki activities se website ke content me koi changes nahi hote hai or iski information har user ke liye same hoti hai . Static website ke page ko hum simple HTML or CSS se bana sakte hai .

Static website ko banane ke liye aap simple notepad se bhi static page create kar sakte hai . Static website banane me dynamic scripts ka use nahi kiya jata hai .

Dynamic Website

Dynamic website vo website hoti hai jin website ke pages ko aap jitni baar visit kare page ke content dynamically change ho sakte hai , Or dynamic website ke same page ke content har user ki activity ke hisab se alag alag ho sakte hai . Is tareh ki website dynamic pages se mil kar bani hoti hai .

Dynamic website ko banane me scripting languages ka use kiya jata hai jaise PHP, Perl, ASP, or JSP . Dynamic website ke web page ko banane ki jo technology hai usko Dynamic HTML or DHTML kahte hai . DHTML ka use kar ke Dynamic, interactive or animated website ko banate hai . For Example :  Facebook Dynamic website hai ku ki jab ham facebook par visit karte hai to har baar hame alag alag feeds dikhai dete hai or har facebook user ke liye information unki activity or friends ke hisab se dynamically change hoti rahti hai .

Type Of Website in Hindi

Friends hum har din bahut sari websites ka use karte hai jaise online shopping site ya facebook jaise social networking sites ho ya fir google.com ki tareh search engine, kahne ka matlab internet par bahut type ki websites hai , chaliye kuch common type ki websites ke bare me jante hai .

Website Kya hai in Hindi, Website Kitne Prakar Ki Hoti hai

Search Engine Websites

Search engine website vo website hoti hai jin par log search kar ke internet par information ko search karte hai . Search engine website ko roj lakho log use karte hai or information ko search karte hai . Aap bhi roj search engine ka use karte honge , In Search engine website ko to aap jante hi honge : google.com , Bing.com , yahoo.com

Search Engine website duniya ki sabhi websites ki information yani ki uske pages ko index karte rahte hai or apne result me add karte rahte hai , Or jab aap search engines par kuch search karte hai to usse related information ko vo search result me dikha dete hai .

Company Websites / Business websites

Company Websites jaisa ki aap name se hi jan gaye honge ki jo websites company ki hoti hai unhe company website kahte hai . Aaj kal har choti badi company apni website banati hai or apni service ko apni website me dikhati hai or apni information , product or service ko promote karti hai . kuki internet par karodo log hai or ye sabke liye khula market hai to compnay apni website me company ki information ko show karti hai , contact information , company ke bare me . Apne bhi is tareh ki website ko kai baar dekha hoga . jyada tare is type ki website static pages se mil kar bani hoti hai .

Blogs

Blogs ko jyada tar single person hi create karte hai or apne interest ke hisab se articles ko post karte rahte hai , inko personal website bhi kah sakte hai . aaj kal is tareh ki website kaffi jayda ban rahi hai , Abhi aap jo ye website dekh rahe hai ye bhi isi tareh ki website hai . Hamare blog me Internet, Computer, Tech, Blogging, Motivational …etc is tareh ki sari information hindi me aapko milti hai . Blog kya hota hai or jyada janne ke liye ye post ko padhe : Blog Kya Hota Hai 

Media Shearing Websites

Media Shearing website vo website hoti hai jo user ko media file ko share karne ka platform provide karti hai , jaise YouTube.com hai jo ki user ko video ko share karne ki service deti hai . Youtube me koi bhi user apni video ko share kar skta hai . Isi tareh se Flickr hai jaha par aap apni images ko share kar sakte hai . Soundcloud hai jaha par music files ko aap share kar sakte hai .

Ye Bhi Jane : YouTube se Paise kaise kamaye

News Websites

News websites vo hoti hai jaha par new information ko share kiya jayta hai . aapne bhi kabhi na kabhi news website ko jarur dekha hoga . Jaise news paper hota hai hai usme aapko har tareh ki news milti hai usi tareh se internet pe news websites hoti hai jin par aap new padh sakte hai , jaise ye abplive.in news website hai .

E commerce Websites / Online Shopping Websites

E Commerce website vo websites hoti hai jo online kuch bachti hai . Aaj kal to log online kafi jyada saman ko kharidte hai , apne india ki bhi bahut badi badi online shopping (E-Commerce) websites hai . Apne bhi in websites ka use kiya hoga , agar nahi kiya hoga to suna to hoga hi . E-Commerce websites me india me Filpkart.com , myntra.com or Amazon.in bahut hi popular websites hai .

Social Networking Websites

Social Networking Websites vo websites hoti hai jin website par hum apne friends, family se online connect ho sakte hai . Hum new friends bhi bana sakte hai or unke sath chatting karne ke sath sath apne photo,video, information .. etc ko share akr sakte hai . Social Networking website ka sabse accha example Facebook.com hai .

Friends aapne uper jana ki websites kitne tareh ki ho sakti hai or uper jin websites ke bare me hamne jana hai inko hum use bhi karte hai jaise search engine website – google.com , online shopping site  – flipkart.com or social networking website :- Facebook.com to aap samjhe hi sakte hai ki ye sab websites alag alag type ki hai or is tareh ki bahut sari website hai . Umid hai ki ab aap jaan chuke honge ki websites kitne tareh ki ho sakti hai .

Website Banane Ke Liye Kya Kya Chahiye

Chaliye ab hum jan late hai ki website banane ke liye basic requirement kya kya hoti hai , Website banana koi muskil kaam nahi hai , aaj kal koi bhi jise koi bhi technical knowledge na ho vo bhi website ko bana sakta hai . Niche me aapko kuch basic requirement ke bare me bata raha hu ye agar aapke pass hongi to aap aasani se website bana sakte hai .

Email Account

website ko banane ke liye aapke pass apna Email account hona chaiye kuki , email ka use kar ke hum domain name ko kharidnge or jaha ye hosting lenge vaha par bhi email dal kar login karna padega . Email hoga to aapke email par important notification bhi aa sakenge apke domain or hosting se related . or bhi kai sari jageh iska use hota hi hai , Online kuch karna hai to email address hona chahiye , hamesha jarurat padti hai .

Ye Bhi Padhe :  Google Email Account Kaise Banaye

Domain Name

Website banane ke liye Domain name sabse jaruri hai . Domain name aapki website ka name hoga .  Domaine name aapki website ka ek digital address hoga jiss par jakar log aapki website ko visite kar sakte hai . Jaise hamari website ka domain name hai – kaisekamaye.com 

To friends website banane ke liye aapko sabse pahle domain name ko lena padega , agar kisi ne ek domain name le rakha hai to aap same name se domain name nahi le sakte hai . Ab saval aata hai ki aap domain name kaha se lenge , domain name hum kai sari website ke jarie kharid sakte hai . Domain name ko lene ki website ki jankari aap yaha se le sakte hai : Domain name  

Domain name aap jab bhi le usme ek bat ka dyaan rakhe, aap kosis kare ki aap .com vala hi domain le or apne domain name me number or special character (-!@#…etc) ko galti se bhi include na kare , khair aisi bahut sari baate hai.

Hosting

Web hosting bhi website banane ke liye bahut jaruri hai , kuki web hosting ek host/server hota hai jaha par hamri website ha data rahta hai . Kahne ka matlab ye ki hame online space lena padta hai , jaha par hamri website ka sara data rahega .

Aap web hosting bahut sari website se le sakte hai , jaha par hame unke server me space mil jayega or unke server 24 hr hamesa online rahenge or hamari website bhi online rahegi . Web Hosting bahut hi kam daam me mil jati hai . Jo badhiya company hai hosting ke liye unki jankari aap yaha se le sakte hai :Web Hosting

Commonly Hosting 2 type ki hoti hai , Shared Hosting or Dedicated Hosting . Shared Hosting me ek hi server me kai sari website ka data host rahta hai or Dedicated Hosting me pura server aapko diya jata hai .aap apni jarurat ke hisab se koi bhi hosting le sakte hai . Par agar aap just start kar rahe hai to aap Shared hosting se start kar sakte hai ye aapko saste me mil jayegi .

Website Platform

Website banane ke liye hame ek platform ko select karna padta hai jaise wordpress hai . Agar aapko abhi ye samjhe me nahi aa raha hai to koi baat nahi bas aap ye jaan lijiye ki website banane ke liye hame ek platform ki jarurat hoti hai or jo abhi platform hai unme se sambe jyada use self hosted wordpress ka kiya jata hai , kuki ye free hai or iske bahut sare website designs, templates & plugins aasani se mil jate hai .

To friends ye kuch basic requirement hai website banane ke liye , agar aap website banana chahte hai to ye sab aapke pass honi chahye or thoda bahut inke bare me pata hona chahiye , dariye mat ye sab easy hai or koi bhi website bana sakta hai .

Web designer Kon Hota Hai

Jo website ko design karta hai yani ki banata hai usko web designer kahte hai . web designer website ko banane ke liye html, php, java script, CSS ka use kar ke banata hai or website ka look and feel design karta hai . Website ke front end or back end ko design kar website ko banata hai . agar aap bhi web designer banna chahte hai to aapko html css php , java script in sab ko sikhna padega . Laken web designing me kai sari field hoti hai , but short me aap bas itna jaan le ki website banane vale ko web designer kahte hai .

Umid hai ki ab aap jaan chuke honge ki Website kya hota hai , website kitne prakar ki hoti hai or sath hi sath aap ye bhi jaan chuke hai ki website banane ke liye kya kya chahiye hota hai . Agar aap apni website banana chate hai, blogging karna chahte hai, Online paisa kamana chate hai to aap hamri website se jude rahe, Kuki hamari website me aapko har tareh ki jankari milti hai .

To Friends aapko hamari ye post Website Kya Hai in Hindi or website se judi information kaisi lagi hame comment kar ke jarur bataye , agar aapko website se judi koi or information chahiye ya aap kuch puchna chate hai to aap niche comment box me comment kar ke puch sakte hai . Ye jankari ko aap apne friends or family me jarur share kare taaki jo log is ke bare me janna chahte hai unhe bhi ye information mil sake or unke help ho sakre .